बाई माझ्या गं दुधात नाही पाणी

बाजाराला विकण्या निघाली दही दूध ताक आणि लोणी बाई माझ्या गं दुधात नाही पाणी || धृ || गोकुळच्या त्या गाई म्हशीचं खाणं सगळं राण माळाचं उगीच कशाला चाखून बघायचं पैशा विणा घेणं बाई माझ्या गं दुधात नाही पाणी || १ || यमुनेचा तो अवघड घाट चढता चढता दुःखतिया पाट नेहमीच तयाची वारी कट थांबू नका गवळणी बाई माझ्या गं दुधात नाही पाणी || २ || महानंदाची वेडी माया देवासाठी तिची सुखली काया एका जनार्दनी पडू त्याच्या पाया देवा लीन होवूनी बाई माझ्या गं दुधात नाही पाणी || ३ || बाजाराला विकण्या निघाली दही दूध ताक आणि लोणी बाई माझ्या गं दुधात नाही पाणी