लवथवती विक्राळा
लवथवती विक्राळा ब्रह्मांडी माळा।
विषे कंठ काळा त्रिनेत्री ज्वाळा।
लावण्यसुंदर मस्तकी बाळा।
तेथुनिया जल निर्मळ वाहे झुळझुळा॥
जय देव जय देव जय श्रीशंकरा।
आरती ओवाळू तुज कर्पूरगौरा॥
कर्पूरगौरा भोळा नयनी विशाळा।
अर्धांगी पार्वती सुमनांच्या माळा।
विभूतीचे उधळण शितिकंठ नीळा।
ऐसा शंकर शोभे उमावेल्हाळा॥
जय देव जय देव जय श्रीशंकरा।
देवी दैत्यी सागर मंथन पै केले।
त्यामाजी अवचित हळाहळ जे उठिले।
ते त्वां असुरपणे प्राशन केले।
नीलकंठ नाम प्रसिद्ध झाले॥
जय देव जय देव जय श्रीशंकरा।
आरती ओवाळू तुज कर्पूरगौरा॥